पावसाचें धुमशण चालुच
भांगरभूंय | प्रतिनिधी
म्हापश्यां सगळ्यांत चड 5 इंच पावस
पणजी, प्रतिनिधी ः हवामान खात्यान फाटलें तीन दीस व्हड पावस पडपाचो अदमास उक्तावन ऑरेंज अलर्ट जारी केल्लो. सेगीत पडपी व्हड पावसांक लागून जायत्या वाठारांनी पालसणां कोसळप, झाडां पडप, रस्त्यार उदक भरप हे प्रकार चालूच आसा.
फाटल्या 24 वरांत आपत्कालीन आनी उजो पालोवपी दळाच्या जवानांनी वट्ट 55 कॉल हाताळ्ळे. जाल्यार 15.30 लाख रुपयाची मालमत्ता वांचयली.
फाटल्या 24 वरांत म्हापश्यां सगळ्यांत चड 5 इंच पावसाची नोंद जाली. केपें, काणकोण, फोंडें, मडगांव, पोरणें गोंय हांगां 4 इंचा परस चड पावस पडलो. आतां मेरेन गोंयात वट्ट १३२.९ इंच पावसाची नोंद जाल्या.
आयज दिसभरांतले प्रकार
आयज सकाळीं रूमडावाडो सड्यार (वास्को) पालसाण कोसळ्ळें आनी कांय घरांचे लुकसाण जाले. पूण कोणाक कांय जावंक ना.
आज पावसाक लागून पाटो रस्त्यार उदक सांचले. तांतूतल्यान वाट काडतना येरादारीक त्रास जाले.
मिरामार – दोनापावला रस्त्याचेर झाड पडलें.
कुशावती न्हंयेंच्या उदकाचे पातळेंत वाड जाल्ल्यान पाड्डें पुला वयल्यान उदक व्हांवपाक सुरवात जाल्या.
कालवी – मये रेल्वे क्रॉसिंग रस्तो उदकापोंदा गेला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
