भांगरभूंय | प्रतिनिधी
म्हापशें, प्रतिनिधी : पर्वरे राष्ट्रीय महामार्गाचेर ‘रेंट अ कॅब’ वेवसायिकां कडल्यान गाडी भाड्याक घेवन स्टंट करपी हरियाणाच्या त्या पर्यटकाक पर्वरे पुलिसांनी आयज अटक केली. विक्रम शर्मा (४३) अशें ताचें नांव.
विक्रम मुकेश शर्मा (४३, रा पंचकुला) हो गोंयांत आयिल्लो. तांणी जीए – 07 टी-1629 ह्या क्रमांकाची महिंद्रा थार जीप भाड्यान घेतिल्ली. ती घेवन तो सोमारा सांजेवेळार पर्वरीच्या राष्ट्रीय महामार्गाचेर स्टंट करतालो. चालू कारींत उबो रावन स्टंट केल्ल्याचो फोटो व्हायरल जाले उपरांत पुलिसांनी ताची दखल घेवन ताका अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
