भांगरभूंय | प्रतिनिधी
मडगांव, प्रतिनिधी ः काय दिसां पयलीं दोन नेण्ट्या भुरग्यांक मडगांवां हाडून सोडिल्ल्या प्रकरणांत मडगांव पुलिसांनी निकी पांडे (३६) आनी अनिकेत राजगुरू (३८) हांकां अटक केल्या.
मन्नू पांडेची पयली बायल निकी आनी तिचो इश्ट अनिकेत राजगुरू हे गायब आशिल्ले. पुलिसांनी ह्या प्रकरणाची चवकशी करपाक सुरवात केली. त्या वेळार मन्नूची दुसरी बायल अंजली पांडे हिका गोंयच्या सगळ्या रेल्वे स्टेशनांचेर आनी कर्नाटकांतल्या मंगळूर मेरेन चवकशी खातीर व्हेले. तरी लेगीत कितेंच कळूंक ना.
तिचो घोव मन्नू महाराष्ट्रांतल्या साकर कारखान्यांत काम करता अशी म्हायती भुरग्यांची आवय अंजली पांडे हांणी दिली. तशेंच भुरगीं महाराष्ट्रांत जल्मल्लीं अशेंय सांगलें. ते प्रमाण मडगांव पुलिसांनी तपास सुरु केलो. नाशिक, पुणे नारायणगांव हांगाच्या साकर कारखान्यांत आनी पुण्यांतल्या हॉस्पिटलांत चवकशी करून म्हायती मेळयली. ह्या तपासांत मन्नूचे कांय मोबायल नंबर मेळ्ळे पूण ते बंद वा दुसऱ्या मनशा कडेन आशिल्ल्याचें दिसून आयलें. पूण टेक्निकल सर्व्हीलन्स वरवीं चवकशी चालू आसतना थिवी वाठारांत एक मोबायल नंबर सक्रीय जाल्ल्याचे कळ्ळे उपरांत मडगांव पुलीस ते सुवातेर पावले. आनी मागीर सावंतवाडी वाठारांत रावपी मन्नू पांडे, अनिकेत राजगुरू आनी निकी पांडे हांकां ताब्यांत घेतले.
सध्या मन्नू पांडेची भलायकी बरी नाशिल्ल्यान ताका उपचारा खातीर हॉस्पिटलांत दाखल केला. निकी पांडे हिचो 16 वर्सां पिरायेचो पूत आनी धा वर्सां पिरायेची धूव आनी अंजली पांडेची तीन वर्सां पिरायेची धूव आनी देड वर्सांचो पूत बाल कल्याण समितीच्या ताब्यांत आसात. निकी पांडे आनी अनिकेत राजगुरू हांका मडगांव पुलिसांनी अटक केल्या. अंजली पांडेक वन स्टॉप सेंटरांत दवरल्यात.
हेंय वाचात…
सावत्र आवयन सोडलीं, पूण सख्खे आवयन सोदलीं….
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
