भांगरभूंय | प्रतिनिधी
पाटणा, खबरां संस्था ः फुडले प्रधानमंत्री जावपाची शक्यताय आशिल्ले, तशेंच विरोधी इंडिया आघाडी घडोवपी मुखेल फुडारी, बिहाराचे मुख्यमंत्री नितीश कुमार हांणी हालींच यु- टर्न घेतला. नितीश कुमार हांणी आयतारा सकाळीं ११ वरांचेर आपलो राजिनामो राज्यपाल राजेंद्र आर्लेंकार हांचे कडेन सादर केलो. नितीश कुमार हांणी भाजपाक तेंको दिवपाचें पत्र दिवन सरकार घडोवपा विशीं चर्चा केली. हाचे पयलीं नीतीश हांच्या पक्षाचे खासदार आनी आमदार हांची सीएम हावजांत बसका जाली. नीतीशान हांगा आपलो राजिनामो जाहीर केलो. सोपूत घेवपाचो सुवाळो आयजूच सांजवेळार जावपाची शक्यताय आसा.
मेळिल्ले म्हायती प्रमाण, जेडीयू-भाजपचे ३-३ आमदार मंत्रिपदाचो सोपूत घेवपाक शकतात. भाजपाचे राष्ट्रीय अध्यक्ष जेपी नड्डाय सोपूत विधी वेळार हाजीर रावपाक शकतात. नड्डा ३ वरांचेर पाटण्या हांगा पावतात.
आयज आपणें राजिनामो दिल्ल्याचें नितीश हांणी सांगलें. सद्याचें सरकार बरखास्त करचें, अशें राज्यपालाक सांगलें. सगळ्या वटांनी मतां येतालीं. हें आमी आयकलां. आतां आदली युती सोडून नवी युती जाल्या. आयज आमी तांचे पासून वेगळे जाले. आमी जितले काम करताले, ते मात्तूय काम करिनासलें, अशें तांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
