भांगरभूंय | प्रतिनिधी
फोंडें: केरये- खांडेपारा राष्ट्रीय महामार्गाचेर दोन चाकी चालकांक वाटोवपाचो यत्न करतना ट्रक रस्त्यार कोसळ्ळो. ताका लागून ह्या रस्त्या वयले येरादारीक आडखळ निर्माण जाली. अपघाता वेळार स्कुटर घेवन वचपी एक बायल जखमी जाली. फोंडें पुलिसांनी अपघाताचो पंचनामो केलो.
थळाव्यांनी दिल्ले म्हायती प्रमाण, सोमारा सकाळीं 11.30 वरांचेर हो अपघात जालो. जीए 04- टी -0541 क्रमांकाचो ट्रक खांडेपारच्यान फोंडें वतालो. केरये दोन मोटार सायकल चालकांक वाटोवपाच्या यत्नांत ट्रक रस्त्याचेर उमथलो. ताचे पयलीं ट्रक स्पिड ब्रेकरा लागसारा आशिल्ल्या खांब्याक आपटलो. वीज खांब्याचें लुकसाण जालां.
अपघाता वेळार तेच दिकेन वचपी एक बायल जखमी जाली. तिका खाजगी वाहनांतल्यान हॉस्पिटलांत व्हेली. अपघात घडल्या उपरांत पुलिसांनी घडणुके सुवातेर वचून येरादारी सुरळीत दवरपाक मजत केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
