भांगरभूंय | प्रतिनिधी
म्हापशें, प्रतिनिधी ः लिंगाभाट, पर्रा लीला सावळ हांच्या घराक उजो लागून सुमार ५० हजारांचें लुकसाण जालें. म्हापशें उजो पालोवपी दळाचे जवान वेळार घडणुके सुवातेर पावन तांणी उजो पालयल्ल्यान २ लाखांची मालमत्ता वाटायली. ही घडणूक मंगळारा दनपरां सुमाराक घडली. लीला ही घर बंद करून लागसारच्या दुकानाचेर गेल्ली तेन्ना हो उजो लागलो.
घरांत देवार्यांत तिणें दिवो पेटयल्लो. ह्या दिव्याक लागून ही घडणूक घडिल्ल्याचो दुबाव उजो पालोवपी दळान उक्तायला. उज्यांत फॅन, इलेक्ट्रीकल सामान, नळे, कपडे, लाकडी कदेलां आनी हेर गजाली जळ्ळ्यो.
हे घडणुकेची म्हायती मेळटांच म्हापशें उजो पालोवपी दळाच्या जवानांनी घडणुके सुवातेर वचून उदक मारून उजो नियंत्रणांत हाडलो. उजो पालोवपी दळाचे उपअधिकारी ज्ञानेश्वर सावंत, हवालदार रणजीत गांवकार, योगेश आमोणकार, गिरीश गांवस आनी संजय फडते ह्या पंगडान उजो पालयलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
