भांगरभूंय | प्रतिनिधी
दिवचल, प्रतिनिधी : दिवचले धबधब्यार फाटल्या कांय दिसां सावन बिबटो भोंवतालो. ताका लागून ह्या वाठारांत भंय निर्माण जाल्लो. आयज सकाळीं ह्या बिबट्याक धरपाक रान खात्याच्या अधिकार्यांक येस आयलें.
हे विशीं चड म्हायती प्रमाण, हो बिबटो ह्या वाठारांत भोंवतना जायत्या जाणांक दिशिल्लो. तांणी खुबश्या सुण्यांकूय चाबडावन उडयल्यात. उपरांत रान विभागान बिबटो जंय भोंवता थंय पांजरो लावन दवरिल्लो. आयतारा सकाळीं तो पांजर्यांत आडकलो. रान अधिकारी ते सुवातेर दाखल जाले आनी बिबट्याक सुरक्षीत सुवातेर व्हेलो. बिबटो आडकल्ल्यान थळाव्यांनी समाधान उक्तायलें आनी रान खात्याचे उपकार मानले.
मजगती, केरी रान अधिकारी सेबेस्तियांव रॉड्रिग्ज हांणी, हो बिबटो पुरायेन वाडला. ताका आतां रानांत सोडटले अशें सांगलें.
मजगतीं, दिवचल वाठारांत बिबट्यांचो वावर चालू आसा. पाजवाडो, दिवचले एक बिबटो आनी ताचीं पिलां भोंवतना दिसल्यांत. तशेंच व्हाळशी, मुळगांव, मयें, नार्वें अश्या जायत्या वाठारांनी बिबट्याचें दर्शन घडतूच आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
