भांगरभूंय | प्रतिनिधी
पर्वरी, प्रतिनिधी : दाबोळे विमानतळाची दक्षीणेंतल्याच न्हय तर उत्तर गोंयच्याय लोकांक गरज आसा. ताका लागून हो विमानतळ केन्नाच बंद पडचो ना. दाबोळे विमानतळ बंद करपाक जीएमआर कंपनी केन्नाच नौदळ वा केंद्र सरकाराचेर चेंपण हाडपाक शकना, अशें मुख्यमंत्री डॉ. प्रमोद सावंत हांणी स्पश्ट केलें.
दाबोळे विमानतळ बंद जावपाचो भंय आयज सभाघरांत आमदार आलेक्स रेजिनाल्ड लॉरेन्स हांणी प्रस्न काळांत उक्तायलो. उपरांत विरोधी पक्ष फुडारी युरी आलेमाव आनी आमदार विजय सरदेसाय हांणी मुख्यमंत्र्यांचेर प्रस्नांचो पावस केलो. ह्या प्रस्नांक जाप दितना मुख्यमंत्र्यान वयलें आस्वासन दिलें.
विरोधकांचे आरोप
मुख्यमंत्र्यांनी आरोपांचेर दिली जाप
आदल्या तीन मुख्यमंत्र्यांनी दाबोळे बंद जावचो ना, अशें सभाघरांत स्पश्ट केलां. दाबोळे बंद जावचो ना. असो निर्णय केंद्रीय मंत्रिमंडळाचे बसकेंतूय जाला. दाबोळे बंद जावपा खातीर जीएमआर कोणाचेरूच चेंपण हाडचें ना. गोंयचे दाबोळे विमानतळा कडेन आदलें नातें आसा. तो विमानतळ बंद जावचो ना. आतां पर्वरे उड्डाणपुलाचें काम सुरू जावपाचें आसा. तें दोन वर्सां तरी चलतलें. ह्या काळांत प्रवासी दाबोळे विमानतळाकूच पसंती दितलें. ताका लागून भियेंवपाची गरज ना, अशें मुख्यमंत्र्यान आपले जापेंत स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
