भांगरभूंय | प्रतिनिधी
म्हापशें : पोरणें गोंय पुलिसांनी सुमीर सतपाल शर्मा (40, बंगळूर आनी पंजाब) ह्या आंतरराज्य खांप्या चोराक अटक करून म्हापशें पुलिसांच्या ताब्यांत दिला. ताका धरिल्ल्यान सुमार 10 घरफोडीच्यो घडणुको जावपा पसून वाटावल्यो. ही म्हायती उत्तर गोंय पुलीस अधीक्षक निधीन वाल्सन हांणी दिली. ते पत्रकार परिशदेंत उलयताले. ह्या वेळार उपअधीक्षक जिवबा दळवी, निरीक्षक सतीश पडवळकार आनी सीताकांत नायक हाजीर आशिल्ले.
गणेशपुरी- म्हापशेंच्या चोरये उपरांत पुलिसांक एके स्कूटरीचो वास लागिल्लो. ते विशीं तपास केलो. दुबावित शुक्रारा पोरण्यां गोंयां भोवता ते कळटकच ताका धरलो. ताचे कडेन घर फोडपाक लागतात तीं आवतांय आशिल्लीं. ताणें म्हापश्यां आनी हेर कडेन घरां फोडल्यांत तें कबूल केलें. शर्मा हो बंगळुरूच्यान गोंयांत आयिल्लो. खंयचीं घरां बंद आसात. घरांत कोण आसा, तें बारिकसाणेन तो पळयताले. मागीर फक्त 15 ते 20 मिनटां भितर तो घर साफ करतालो. तो खंय आनीक 10 चोरयो करपाचो.
2020 त ताणें पोरणें गोंय पुलीस हद्दींत दोन घरफोडी केल्ल्यो. ताचे कडेन 14 लाखांचा म्हालूय मेळिल्लो. ताचे वांगडा आनीक कोण तरी आसतले, अशें पुलिसांक दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
