भांगरभूंय | प्रतिनिधी
चेन्नय : तमिळनाडूचे मुख्यमंत्री एम. के. स्टॅलीन हांणी गृहमंत्री अमित शहान हांणी हिंदी भाशे विशीं केल्ल्या विधानाचेर तिडक उक्तायल्या. 4 ऑगस्टाक जाल्ले बसकेंत शहा हांणी ‘सगल्या राज्यांनी हिंदी मान्य करची’ अशें सांगलें.
स्टॅलीन हांणी ट्विट करून हाचेर हरकत घेतल्या. ताणीं बरयलां, अमित शहा बिगर हिंदी राज्यांचेर जबरदस्तीन हिंदी लादतात. तमिळनाडू हें मान्य करचें ना, आमी हिंदीचे गुलाम जावचें नात. कर्नाटक, अस्तंत बंगाल सारकिल्लीं हेर राज्यांय हाका विरोध करतात.
चड म्हायती प्रमाण, अमित शहान राजभाशेवयलें संसदीय समितीची 38 वे बसकेचे अध्यक्षपद सांबाळ्ळे. हातूंत ताणीं सांगलें, कसलोच विरोध करिनासतना सगल्यांनी हिंदी भास मान्य करची. हेर भाशां कडेन हिंदीची सर्त ना, सगल्या भारतीय भाशांचो प्रचार करूनच देश घटमूट जातलो अशेंय शहान सांगलें.
तमिळनाडू भाजपा मुखेली के. अण्णामलाई हांणी के. एम. के. स्टॅलिनाक हिंदी वा इंग्लीश सारकी येना. अमित शहा कितें सांगपाक सोदता तें तांकां समजूंक ना अशें तांणी सांगलें. शहा हांणी सगळ्या राज्यांनी मायभाशेंतल्यान शिक्षण जावंक जाय अशें स्पश्ट केलां अशें तांणी फुडें सांगलें.
देशांत हिंदी कितली व्यापक आसा?
हिंदी ही सगळ्यांत चड उलोवपी भास. ही 52.8 कोटी लोकांची म्हळ्यार देशाचे लोकसंख्येच्या 43.6 टक्के लोकांची मायभास जावन आसा. हिंदी उलोवपी देशाच्या अर्ध्या परस चड वाठारांत आसात. सुमार 13.9 कोटींनी (11% परस चड) हिंदी ही दुसरी भास म्हणून नोंद केल्या. ताका लागून 55 टक्क्या परस चड लोकांची मायभास वा दुसरी भास हिंदी जाता.
दक्षीण भारतीय भाशांचें स्थान
हिंदी, बांगला उपरांत मराठी तिसर्या क्रमांकाचेर आसा. दक्षीण भारतीय भाशांचे वळेरेंत तेलगू ही भास सगळ्यांत फुडें आसा. जी 6.7 टक्के लोकसंख्या उलयता. 5.7 टक्के लोक तमीळ उलतात. 8 व्या क्रमांकाचेर आशिल्ली कन्नड ही 3.6 टक्के लोकांची भास. 40 वर्सांनी मांयभास म्हणून कन्नड उलोवपी लोकां मदीं 101 टक्के, तमीळ 83.14 टक्के, तेलगू 81.26 टक्के, मल्याळम 58.8 टक्क्यांनी वाड जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
