भांगरभूंय | प्रतिनिधी
शाळांतल्या आत्महत्त्येच्या घडणुकां मदीं वाड जायत आसा. हाका भुरग्यांमदलो राग आनी सायबर स्वरुपांतली कृती कारण थारता. पिडेस्त तशेंच आरोपी भुरग्यांची वळख पटोवप, मदती खातीर केंद्र सरकारान तज्ज्ञांचे मजतीन एक मार्गदर्शक तत्त्व तयार केलां. राज्यांच्यो शिफारशी आयल्या उपरांत ताका निमाणें रूप दिवन देशभरांतल्यान तें लागू करतले.
राष्ट्रीय बाल हक्क संरक्षण आयोगाचे मजतीन पयलेच फावट ताका परिभाशीत केलां. भुरग्यांच्या शरिराचेर तांचीं फकांडां मारप, देखीक : मोट्या म्हणून उलो मारप, काळो, मोटवो म्हणप गुन्यांव थारतलो. दरेके शाळेचेर नदर दवरपा खातीर प्रतिबंधात्मक समिती स्थापन करची पडटली. समिती पिडेस्त भुरग्यांची म्हायती ज्युवेनायल जस्टिस बोर्ड आनी चायल्ड वेलफेअर कमिटीकडेन धाडटली. जाका लागून पिडेस्तांक मजत मेळटली.
केंद्र सरकाराच्या मार्गदर्शक तत्वां: कागाळ कशी करची?
चलो वा चली स्वताय ई-बालनिदान, पॉक्सो ई-बॉक्स, नॅशनल सायबर क्रायम पोर्टल वा १०९८ चेर कागाळ दिवपाक शकता. तांणी शिक्षका कडेन वा समिती कडेन सांगल्यार ते पुलिसांक कळोवपाक शकता.
पालकांक खंय कागाळ करपाक मेळटली?
पालकांनी सरळ शालेय वेवस्थापना कडेन कागाळ करची. शाळे भायले घडणुकेचेर पुराव्या सयत पुलीस, निदान पोर्टल, सायबर क्रायम पोर्टल वा १०९८चेर कागाळ दिवपाक मेळटली.
कसली कारवाय जातली, कशी जातली?
ज्युवेनायल जस्टीस बोर्ड प्रकरणां बालकल्याण समितीकडेन दितले. ही समिती पिडेस्त आनी आरोपी भुरग्यांचें समुपदेशन करतली. चाळोवपी ल्हान भुरगीं आसल्यार तांचेर शालेय समिती कारवाय करती.
गंभीर प्रकरणांत कितें कारवाय जातली?
सायबर आयटी कायद्या प्रमाण जातले. लैंगीक शोशणांत पॉक्सो आनी हेर तरतुदीं प्रमाण कारवाय जातली.
शिक्षका कडेन कारवाय करतले तेन्ना कितें म्हणचें?
१. तुजेर विस्वास आसा. तुजी मजत करतले.
२. स्वताक दोश दिवं नाका. तुवें समस्या सांगली तें बरें केलें.
३. हांव हें गुपीत दवरूंक शकना. कांय गरजेच्या लोकांक तें सांगचें पडटलेें.
४. मदत करपाक इत्सूक आशिल्ल्याचें दाखयात. म्हाका विस्वास ना. म्हाका धक्को बसला. अशें उलोव नाकात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
