भांगरभूंय | प्रतिनिधी
वास्को, प्रतिनिधी : गोंय शिपयार्ड आनी चेन्नयच्या मॅरिट्रॉनिक्स इंडिया प्रायव्हेट लिमिटेड हांचे मदीं जोड कबलात जाल्या. भारतीय तटरक्षक दल आनी नौदलाच्या दर्यांत वचपी बोटीं खातीर ‘रडार, इलेक्ट्रॉनिक्ट चार्ट डिस्प्ले आनी इन्फॉर्मेशन सिस्टीम’, ‘फायबर ऑप्टीक गायरोस’ हीं म्हत्वाचीं स्वदेशी नेव्हिगेशन उपकरणां विकसीत करपा खातीर ही कबलात म्हत्वाची जावन आसा.
‘आत्मनिर्भर भारत’ संबंदी प्रधानमंत्र्याच्या ‘व्हिजन’ खाला इलेक्ट्रॉनीक आनी नेव्हिगेशनल उपकरणां विकसीत करपा खातीर वचनबध्दताय दोनूय वटेन करतले. ताका लागून ‘मेक इन इंडिया’ क बळ मेळटलें. ह्या धोरणात्मक भागीदारीक लागून मॅरिट्रॉनिक्स इंडियाचें इलेक्ट्रॉनीक उत्पादन आनी संशोधन कुशळटाय तशेंच गोंय शिपयार्डाची बोट बांधणी आनी संरक्षण मळा वयले व्यापक अणभव एकठांय आयल्यात. फेब्रुवारी 2023 त बंगळूरू जाल्ल्या ‘एरो शो’ मजगतीं शिपयार्डचे अध्यक्ष आनी वेवस्थापकीय संचालक बी. के. उपाध्याय आनी मॅरिट्रॉनिक्स इंडियाचे संचालक वेंकटेशन हांचे मदीं पूर्व समजिकाय कबलात जाल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
