गणेश दर्शन – 3
भांगरभूंय | प्रतिनिधी
चवथ सुरू. गणराया घराघरांनी, वाड्यावाड्यार सार्वजनीक मंडळांनी विराजमान जाला. घुमटां, कांसाळें, शमेळीच्या तालार गोंयकार रंगला. फुगड्यांचीं गीता कानार पडटात. माटोळी ल्हवच येवपी दरेका सोयर्यां धायर्यांचेर नदर घालता. धुपाच्या परमळान आत्मो तृप्त जाला. भुरग्यांचीं धुमशेणां सोंपना. राज्यांत सगळे कडेन खोशयेचें वातावरण निर्माण जालां. ह्या सगळ्या खीण चित्रांक आमच्या प्रतिनिधींनी कॅमेर्यांत कैद केल्यांत. चवथीच्या ह्या उमेदीच्या काळांत कांय फोटो तुमचे मेरेन पावोवपाचो आमी कांय दीस यत्न करतले. चलात घालुया आयच्या कांय फोटवांचेर नदर.
मुख्यमंत्री डॉ. प्रमोद सावंत हांच्या कोळंबी पाळीच्या घरा गणेश दर्शन घेतना आमदार प्रवीण आर्लेकार.
आमदार प्रविण आर्लेकार हांच्या घरा विराजमान गणेश. आमदार प्रविण आर्लेकार आनी परिवार.
पेडणेचे आदले पुलीस निरीक्षक दत्ताराम रावत हांच्या साळांतल्या घरांतलो गणराया.
शिरोडें – फोंडें ईको फ्रेंडली पत्रेचो गणपती पुजपाची परंपरा सांबाळपी विशाल सिनाय खांडेपारकार आनी घराण्याचो पत्रेचो गणपती आनी गौरी.
श्री गणपती संस्थान वाडेनगर सार्वजनीक गणपती.
वाळपय सार्वजनीक गणेशोत्सव मंडळा वतीन पुजिल्ली गणेश मुर्ती.
वास्को भारत संचार निगमचो सार्वजनीक गणपती.
मुरगांव पुलीस स्टेशना वयलो सार्वजनीक गणपती. वांगडा पुलीस निरीक्षक एलविटो रॉड्रिगीस, हवालदार अजित परब आनी हेर कर्मचारी वर्ग.
वास्कोचे उद्देगपती नारायण बांदेकार आपल्या घरा गणपतीची पुजा करतना.
तांडले, साकोड्डें, तांबडी सुर्लाच्या शंकर गांवकार हांचे घरांतलो गणेश.
सकयलोवाडो साळांतल्या लक्ष्मण शंकर परवार हांच्या कुटुंबियांनी पुजेक लायिल्लो गणराया.
फोटो – निवृत्ती शिरोडकार, विशांत वझे, चंद्रशेखर कळंगुटकार, उदय सावंत, मिलिंद काकोडकार, मकबूल माळगीमनी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
