भांगरभूंय | प्रतिनिधी
फोंडें उपअधिक्षक आशीश शिरोडकार हांचें आवाहन
फोंडें: अनंत चतुर्दस दिसा गणेश विसर्जन मिरवणूक आनी ईदाची मिरवणूक शांततायेन पार पाडपा खातीर फोंडें पुलिसांनी मुस्लीम भाव तशेंच भौशीक गणेशोत्सव मंडळाच्या पदाधिकाऱ्यांची बसका पुलिसांनी घेतली. ह्या वेळार उपअधिक्षक आशीश शिरोडकार, म्हाड्डोळ पुलीस स्टेशनाचे निरिक्षक सतीश गावडे, फोंडें पुलीस स्टेशनाचे निरिक्षक तुषार लोटलीकार आनी हेर मानेस्त हाजीर आशिल्ले.
ह्या वेळार फोंडें वाठारांतले भौशीक गणेशोत्सव मंडळाच्या वांगड्यांक आनी मुस्लीम भावांच्या पदाधिकाऱ्यांक मार्गदर्शन करतना उपअधिक्षक आशीश शिरोडकार हांणी एका दिसा दोनूय मिरवणुको जायत आशिल्ल्यान समितीच्या पदाधिकाऱ्यांनी मिरवणुके वेळार शांतताय राखची. एखादो दुबावीत मनीस दिसून आयलो जाल्यार रोखडीच पुलिसांक म्हायती दिवपाचें आवाहन तांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
