भांगरभूंय | प्रतिनिधी
पणजी : देड दिसाच्या गणपती विसर्जनां वेळार कार्मिभाट- मेरशेचो नागरीक न्हंयेंत बुडलो. ही घडणुक काल मध्यान रातीं घडली. तेन्ना सावन उजो पालोवपी दळान सोद सुरु केलो, पूण काळोख आशिल्ल्यान तांकां अपेस आयलें. आयज सकाळीं सावन उजो पालोवपी दळान परत आपल्या कामाक सुरवात केल्ली. घडणुक सुवातेर पोरणें गोंय पुलिस आनी पणजी उजो पालोनपी दळ हाजीर आशिल्ले.
आयज दनपारा उजो पालोवपी दळाक व्यक्तीची कुड सोदपाक येस आयले. गणपती पावयतना बुडिल्ले त्या व्यक्तीची वळख पटल्या. ताचें नांव प्रमोद तुकाराम नायक (57, कार्मीभाट- मेरशे) अशें आसा. ताच्या मरणा विशीं मेरशे वाठारांतल्या लोकांनी दुख्ख उक्तायलां.
थळाव्या लोकांच्या म्हणण्या प्रमाण, बुधवारा रातीं देड दिसाच्या गणपती विसर्जनाक कार्मिभाटांत न्हंयें लागसार आयिल्ले. त्या वेळार प्रमोद उदकाचो अदमास घेवपाक न्हंयेंत देंविल्लो. रातीं काळोख आशिल्ल्यान कूड हाताक लागली ना. सकाळ सावन ह्या व्यक्तीचो सोद घेवपाक परत सुरवात केल्ली. निमाणें आयज दनपारा उजो पालोवपी दळाक प्रमोदाची कुड सोदपाक येस आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
