भांगरभूंय | प्रतिनिधी
फोंडें: जाईडवाडो-खांडोळ्या रोहिदास नायक (52) ह्या मनशाक मैदानार क्रिकेट खेळटा आसतना फिल्डींग करपा खातीर देंवले उपरांत ताका काळजाचो आताक आयलो. गंभीर अवस्थेंत रोहिदास नायक हाका बेतकीच्या मुळाव्या भलायकी केंद्रांत दाखल केलो. पूण भलायकी केंद्रांत पावचे पयलींच ताका मरण येवपाची घडणूक आयतारा दनपारां घडली.
मेळिल्ले म्हायती प्रमाण खांडोळें मैदानार क्रिकेट सर्तीचें आयोजन केल्लें. दनपारां पंगडा सयत मैदानार देंविल्लो रोहिदास नायक हो अचकीत मैदानार पडलो. मैदानार आशिल्ल्या हेर खेळगड्यांनी ताका मुळाव्या भलायकी केंद्रांत दाखल केलो. पूण भलायकी केंद्रांतल्या दोतोरांनी ताका तपासले उपरांत ताका मरण आयिल्ल्याचें जाहीर केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
