भांगरभूंय | प्रतिनिधी
मडगांव, प्रतिनिधी ः मडगांवा सावन कोलव्यां वचपी रस्त्याचेर सीएनजी पंपाचेर ट्रकांत आशिल्ल्या सीएनजी सिलिंडरांची गळटी सुरु जाली आनी गॅस भायर सरपाक लागली. पूण उजो पालोवपी दळान वेळार ट्रक कुशीक व्हरून सिलिंडर खाली केले.
उजो पालोवपी दळाचे अधिकारी हर्क्युलानो गिल सोझा हांणी दिल्ले म्हायती प्रमाण, गॅस स्टेशनाचेर सीएनजी भरपा खातीर हाडिल्ले गाडयेचे मुखेल लायनीचे जोडणींतल्यान गॅस गळटालो. थंयच ती बंद करप शक्य नाशिल्ल्यान उपाय म्हणून ट्रकाक पेट्रोल पंपा पसून पयस रस्त्या कुशीक धुकलीत व्हेलो. उपरांत सिलिंडरांतल्यान गॅस थारावीक दरान सोडून ते खाली केले.
गॅस गळपाची म्हायती मेळ्ळ्या उपरांत कंपनीचे अधिकारी रोखडेंच सुवातेर आयले. दर दिसा सिलिंडरांची तपासणी करतात. केन्ना केन्ना पावसाक लागून रस्त्यांचेर येरादारी करतना ट्रकांतले सिलिंडरातल्यान गळटी जावंक शकता. आयज जी गॅस गळटी जाली ती व्हडली नाशिल्ली अशें ‘इंडियन ऑयल अदानी गॅसा’चे उप वेवस्थापक सचिन हिंदलकार हांणी स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
