भांगरभूंय | प्रतिनिधी
बंदखण प्रशासनाची परतून धाड
म्हापशें: कोलवाळच्या मध्यवर्ती बंदखणींत बंदखण प्रशासनान परतून धाड घाली. ह्या वेळार 13 मोबायल तशेंच कांय तंबाकूजन्य पदार्थ ताब्यांत घेतले. हे सगले मोबायल फोन फुडले कारवाये खातीर कोलवाळ पुलिसांचे सुवादीन केले.
बिरेस्तारा सांजवेळा ही कारवाय केली. बंदखण कर्मचाऱ्यांनी अचकीत बंदखणीच्या सगल्या विभागांची झडटी घेतली. धाड सत्रांत दोन विभागांनी कैद्यांनी लिपोवन दवरिल्ले 13 मोबायल फोन आनी सिगारां, तंबाकूची पाकिटां तशेंच मोबायल चार्जर आनी हेडफोन सांपडले. हें सगलें साहित्य ताब्यांत घेतलें.
उपरांत हे मोबायल फोन फुडले कारवाये खातीर कोलवाळ पुलिसांचे सुवादीन केल्यात. फुडलो तपास पुलीस निरिक्षक विजय राणे सरदेसाय हांच्या मार्गदर्शना खाला पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
