भांगरभूंय | प्रतिनिधी
भांगरभूंय । खबरां संस्था
लातूर: हांगाच्या एका शेतकारान कोथमिरीची शेती करून लाखांनी रुपयांचो फायदो मेळयलो. फळबागेक म्हत्व दिवन तांणी पाले भाजयेची लागवड करपाचो निर्णय घेतलो. आयज ते हातूंतल्यान बरें उत्पन्न मेळयतात. रमाकांत वळके- पाटील अशें ह्या शेतकाराचें नांव. ते आशीव गांवचे.
पाटील हांणी द्राक्ष, ऊस अश्या फळबागांचे प्रयोग केले. पूण हाका खर्च खूब येतालो. शेती वेवसाया सयत पीक पद्धतीचो अभ्यास करून तांणी शेतांत वेगळो प्रयोग करपाचें थारायलें. फळबागेच्या वाठारांत आतां कोथमिरेची शेती फुल्ली. फाटल्या पांच वर्सां सावन ते उत्पादन घेतात. हांतल्यान तांकां वर्साक लाखांनी रुपया फायदो जाता. तांची 20 एकर शेत जमीन आसा. हांतल्या पांच एकर वाठारांत तांणी कोथमीर लायल्या.
अंदूं तांकां 16 लाख रुपयांचो फायदो जाला. दोन म्हयन्यां भितर आनी उण्या खर्चान तांणी 16 लाख जोडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
