भांगरभूंय | प्रतिनिधी
भांगरभूंय । प्रतिनिधी
पणजी: राज्यांत सेगीत पावस पडतूच आसा. ताका लागून लोकजीण विस्कळीत जाल्या. सगळे कडेन झाडां पडप, हुंवाराच्यो घडणुको घडल्यात. पावसाक लागून आयज सकाळीं साटी आनी गटारो व्हाळांक हुंवार आयिल्ल्यान केरी सावन केळावडे- रावण वतना लागपी पूल उदका पोंदा गेले. ताका लागून हांगच्या यो- वच करपी बरेच लोक आडखळून उरले. फाटल्या कांय दिसां सावन सेगीत पडपी पावसाचो फटको सत्तरी म्हालाक नेटान बसला. केळावडे- रावण मार्गावयले पूल उदका पोंदाक गेल्ल्यान लोक जीण विस्कळीत जाल्या.
राज्यांत शुक्रार मेरेन ऑरेंज अॅलर्ट जारी केला.
मजगतीं, ह्या उटंगाराच्या पावसाक लागून पैकूळ गांवांतलें पुंडलीक बिसो नायक हांचें मातयेचें घर कोसळ्ळें. तांकां सुमार 80 हजारांचें लुकसाण जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
