भांगरभूंय | प्रतिनिधी
मुख्यमंत्री करतले अवयव दान
पणजी, प्रतिनिधी ः किडनी प्रत्यारोपण शस्त्रक्रिया बेगीनूच ‘डीडीएसएसवाय’ खाला हाडटले. जीएमसी सयत राज्यांतल्या हेर सुवातींनीय किडनी प्रत्यारोपण केंद्रां सुरू करतले अशें मुख्यमंत्री डॉ. प्रमोद सावंत हांणी बिरेस्तारा सांगले. तशेंच राज्यांत काळजाचें आनी यकृत प्रत्यारोपणाची शस्त्रक्रिया सुरू जातली अशें मुख्यमंत्र्यान सांगलें.
राज्यांत सद्या 46 टक्के दुयेंतींक किडनीची गरज आसा. दर दिसा एक दुयेंती डायलिसीसाचेर वता. मूत्रपिंडाचे दुयेंतीचो आंकडो वाडत आसा. देखूनच राज्यांतल्या हेर सुवातींनी किडनी प्रत्यारोपण केंद्र सुरू करपाचो निर्णय सरकारान घेतला अशें तांणी सांगलें. तशेंच, आतां सावन मूत्रपिंड प्रत्यारोपणाची शस्त्रक्रिया ‘डीडीएसएसवाय’ खाला हाडटले असोय उल्लेख तांणी केला.
मुख्यमंत्री सावंत हांणी स्वता अवयव दानाचो सोपूत घेतलो. ‘नोटो’ संकेत थळाचेर तांणी मरणा उपरांत किडनी, लिव्हर आनी दोळ्यांची कोर्निया दान करपाची आॅनलायन नोंदणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
