भांगरभूंय | प्रतिनिधी
वेळार अधिकारी, कर्मचारी मेळनाशिल्ल्याच्यो कागाळी
काणकोण: हांगासरल्या गटविकास अधिकाऱ्याचे कचेरेंत गोंदळी कारभार चलिल्लो आसून हे कचेरेंत कोणाकूच कोणाचीच पर्वा ना अशी परिस्थिती आसा. कचेरेच्या कामकाजा वेळार लेगीत अधिकारी तशेंच कर्मचारी मेळनात अशो कितल्योशोच कागाळी काणकोणच्या पत्रकारां कडेन आयल्यो.
काल (बुधवारा) काणकोणच्या पत्रकारांनी हे कचेरेक दनपारां 3 वरांचेर भेट दिले उपरांत हे कचेरेंतले सुमार 7 सरकारी कर्मचारी आपल्या मेजार नाशिल्ल्याचें नदरेक आयलें. ह्या अधिकाऱ्यांक आनी कर्मचाऱ्यांक मेळपा खातीर कांय पंचायतीचे सरपंच लेगीत आयिल्ले. पूण तांकांय हे अधिकारी आनी कर्मचारी मेळ्ळे नात.
ह्या वेळार पत्रकारांनी गटविकास अधिकारी अनील नायक हांकां हे विशीं विचारलें तेन्ना आपूण कचेरेच्या कामा निमतान मडगांवां गेल्लों. आतांच कचेरेंत पावलां. जे कर्मचारी वेळार कचेरेंत उपलब्ध नाशिल्ले तांचे कडल्यान स्पश्टीकरण मागतलों अशें नायक हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
