कळमेल्ल्यान कला अकादमीचें उक्तें थिएटर पडलें : मुख्यमंत्री
भांगरभूंय | प्रतिनिधी
पणजी : कला अकादमीच्या उक्त्या थिएटराचें स्टील कळमेल्लें. तशेंच ताका मदल्यान टेकू नाशिल्लो. ताका लागून उक्तें थिएटर पडलें, अशें मुख्यमंत्री डॉ. प्रमोद सावंत हांणी सांगलें.
अधिवेशन सुरू जावचे आदले दिसा कला अकादमीचे उक्तें थिएटर कोसाळ्ळें. थिएटर कोसळपाच्या कारणांचो अहवाल मुख्यमंत्री डॉ. प्रमोद सावंत हांणी सभाघराच्या पटलाचेर दवरलो. कला अकादमीचें उक्तें थिएटरच्या बांधकामांक 43 वर्सां पुराय जाल्लीं. लोखण तशेंच बांधकामांक कळम चडली. आयआयटी मुंबयन पळोवणी करून अहवाल सादर केला. ह्या अहवालांत ह्या गजालींचो उल्लेख आसा.
आयआयटी दिल्लीन पळोवणी करून नव्यान अहवाल दिवपाची तयारी दाखयल्या, अशें मुख्यमंत्री डॉ. प्रमोद सावंत हांणी सांगलें.
कला अकादमीचें उक्ते थिएटर मोडचें न्हय, असो अहवाल चार संस्थांनी दिल्लो. हाका लागून कला अकादमी दुरूस्ती वेळार उक्तें थिएटर मोडूंक ना, अशें मुख्यमंत्र्यांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
