भांगरभूंय | प्रतिनिधी
दादले गटांत लक्ष्मी भजनी मंडळ सावयवेरें पयलें, बायलां गटांत विद्यावर्धक मंडळ, दिवचल तर शांतादुर्गा मंडळ, बांदोडें पयलें
पणजी: पं. मनोहरबुवा शिरगावकर स्मृती राज्य पांवड्या वयले भजन सर्तीचो निकाल जाहीर जाला.
दादलो भजन सर्तींत पयलें इनाम श्री लक्ष्मी भजनी मंडळ, सावयवेरें-फोंडें हांकां फावो जालें. दुसरें इनाम दाडेश्वर मुळवीर कला आनी सांस्कृतीक मंडळ, अमईवाडो, विर्नोडा-पेडणें, तिसरें श्री सांतेरी केळबाय कला आनी सांस्कृतीक मंडळ, लाडफें-दिवचल आनी चोवथें इनाम श्री आजोबा कल्चरल असोसिएशन, केरी-सत्तरी हांकां फावो जालें. तशेंच उमेद वाडोवपी इनाम श्री भगवती चिंबलकरीण भजनी मंडळ, चिंबला-तिसवाडी आनी स्वरब्रम्ह संगीत सांस्कृतीक संस्था, एलमॉन्त-वास्को हांकां मेळ्ळें.
उत्कृश्ठ गायक- पयल्या अभंगा खातीर पयलें इनाम मनोज मुकूंद गावडे आनी दुसरें इनाम गौरांग बाबुराव भांडीये हाका फावो जालें. तशेंच दुसर्या अभंगा खातीर उत्कृश्ठ गायकाचें पयलें इनाम पुंडलीक रामा पालयेंकार आनी आनंद गोपाळ सांवळदेसाय हांची निवड जाली. उत्कृश्ठ गवळण पयलें इनाम नामदेव निळू म्हार्दोळकार आनी दुसरें मुकूंद दत्ताराम गावडे हाका फावो जालें. उत्कृश्ठ पखवाज साथ पयलें इनाम स्वरुपानंद गोपाळ गांवस आनी दुसरें रजत चंद्रकांत तिरोडकार हांकां मेळ्ळें. पेटी साथी खातीर पयलें इनाम दिपेश नामदेव पेडणेकार आनी दुसरें सतीश सत्त्यवान कोंडुसकार हाका फावो जालें.
हे सर्तीचें परीक्षण गणेश पार्सेकार, सुर्या शेटये आनी आनंद सालेलकार हांणी केलें.
बायलां भजन सर्तीचो निकाल
बायलां भजनी सर्तीचें पयलें इनाम विद्यावर्धक मंडळ, दिवचल हांकां फावो जालें. जाल्यार दुसरें इनाम श्री शांतादुर्गा सांखळयो महिला भजनी मंडळ पांचमी, खांडेपार-फोंडें, तिसरें इनाम श्री बेताळदेव महिला भजनी मंडळ, तामसुली, खांडोळा-फोंडें आनी चोवथें इनाम श्री रामनाथ दामोदर भजनी पंगड, चिखले हांकां फावो जालें. तशेंच उमेद वाडोवपी इनाम श्री नागेश महारुद्र भजनी मंडळ, कुडका-तिसवाडी आनी श्री सांतेरी केळबाय बारावंश महिला भजनी मंडळ, मोर्ले-सत्तरी हांकां फावो जालें.
उत्कृश्ठ गायिका म्हणून पयल्या अभंगाचें पयलें इनाम सर्वज्ञा सांवळो चोडणकार आनी दुसरें दक्षा सतीश परब हांकां फावो जालें. तशेंच दुसर्या अभंगा खातीर उत्कृश्ठ गायिका म्हणून पयलें इनाम अमिशा अशोक च्यारी आनी दुसरें निता गुरुदास गांवस हांकां मेळ्ळें. उत्कृश्ठ गवळण पयल्या इनामां खातीर दिशा शांतादीप कुर्टीकार आनी दुसरें इनाम दीपा जयदेव नायक हांची नेमणूक जाली. उत्कृश्ठ पखवाज साथी खातीर पयलें इनाम राखी जयदेव नायक हाका फावो जालें. उत्कृश्ठ पेटी साथी खातीर पयलें इनाम शौर्या उदय धुपकार आनी दुसरें स्नेहल गोपाळ गावडे हांकां भेटयलें.
हे सर्तीचें परीक्षण अजीत सरदेसाय, प्रल्हाद गांवस आनी विठ्ठल शिरोडकार हांणी केलें.
बाल भजन सर्तीचो निकाल
बाल भजनी सर्ती खातीर पयलें इनाम बांदोडें-फोंडेंच्या श्री शांतादुर्गा बाल भजनी मंडळ हांकां मेळ्ळें. तशेंच दुसरें श्रीकृष्ण नागझरकर बाल भजनी मंडळ, भोमा-फोंडें, तिसरें इनाम श्री शांतादुर्गा हायस्कूल बाल भजनी मंडळ, दिवचल आनी चोवथें इनाम संगीत शारदा विद्यालय मंदीर, धाकटें-भाट, दोंगरी-तिसवाडी हांकां फावो जालें. तशेंच उमेद वाडोवपी इनामां श्री शांतादुर्गा जांभळेश्वर संगीत संस्था, कळंगुटे-बार्देस आनी सर्वोदया एज्युकेशनल सोसायटीज हायस्कूल, कुडचडें हांकां फावो जालीं. उत्कृश्ठ गायक कलाकार पयलया अभंगा खातीर उर्वशी संदीप नायक, जाल्यार दुसर्या अभंगा खातीर रुतुजा सोमनाथ च्यारी हांणी निवड जाली. उत्कृश्ठ गवळण वेद आनंद वेर्लेकार, उत्कृश्ठ पखवाज साथ तिजील गिरीष भगत, उत्कृश्ठ पेटी साथ खातीर साची उमेश नायक हांची नेमणूक जाली. हे सर्तीचें परीक्षण कृष्णनाथ च्यारी, संदीप सावळ आनी अनील पंडीत हांणी केलें.
संस्कारी समाज निर्माण जावपा खातीर भजन सर्ती सारक्या उपक्रमांचें आयोजन जावप गरजेचें, अशें मुख्यमंत्री डॉ. प्रमोद सावंत हांणी सांगलें.
कला अकादमीच्या पं. मनोहरबुवा शिरगावकर स्मृती राज्य पांवड्या वयले भजन सर्तीच्या इनामां भेटवण कार्यावळीक मुखेल सोयरे ह्या नात्यान मुख्यमंत्री उलयताले. तरणाटे व्हडा प्रमाणांत भजना कडेन आकर्शीत जातना दिसतात. हें पर्जळीत फुडाराचें लक्षण आशिल्ल्याचें तांणी म्हणलें.
ह्या सुवाळ्याचे अध्यक्ष सुवातेर कला आनी संस्कृती मंत्री गोवींद गावडे हाजीर आशिल्ले. तांणी आपल्या भाशणांत कला अकादमीचे भजन सर्तींत नवे बदल घडोवपाच्या विचारांत आशिल्ल्याचें सांगलें. ताका लागून भजन प्रेमी, रसिकांनी आनी जाणकारांनी तश्यो सुचवण्यो लेखी स्वरुपांत धाडपाचो उलो तांणी मारलो.
कला अकादमीचे वांगडी सचीव विनेश आर्लेकार हांणी प्रास्तावीक केलें आनी सगळ्यांक येवकार दिलो. कार्यावळ अधिकारी प्रशांत नागेशकार हांणी उपकार मानले. सर्तीचें आनी इनामां भेटवण कार्यावळीचें निवेदन कला अकादमीचे कार्यावळ अधिकारी प्रदीप गांवकार हांणी केलें. ह्या वेळार माचयेर सांखळे रवींद्र भवनाचे उपाध्यक्ष विठोबा घाडी, राज्य पांवड्यावयले दादलो भजन सर्तीचे परिक्षक गणेश पार्सेकार, सुर्या शेटये आनी आनंद सालेलकार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
