भांगरभूंय | प्रतिनिधी
उत्तर प्रदेश, खबरां संस्था: उत्तर प्रदेशच्या बस्ती जिल्ह्यांतल्या गांवांत मनीसपणाक वेर वचपी घडणूक घडल्या. हांगा एके लग्न जाल्ले बायलेचेर दोग जाणांनी बलात्कार केला. आरोपींनी रातच्या वेळार घरांत घुसून ते बायलेचेर अत्त्याचार केलो. हे घडणुके उपरांत पिडेस्त बायलेन आनी तिच्या घोवान विश पियेवन आत्महत्त्या केली. पुलिसांनी गुन्यांव नोंद करून दोन दुबावीत आरोपींक अटक केली. पुलीस हे घडणुकेची फुडली चवकशी करतात.
३० पिरायेचो दादलो आनी तिचे २७ पिरायेचे बायलेन वीख पियेवन आत्महत्त्या केली. हे घडणुके उपरांत दोगांयकूय हॉस्पिटलांत दाखल केलीं. पूण घोवाक पयलीं आनी उपरांत ते बायलेक मरण आयलें. हे विशींची म्हायती बस्तीचे पुलीस एसपी गोपाळ कृष्णा हांणी काल सांजवेळार दिली.
बिरेस्तारा मध्यान रातचे दोग जाण घरांत घुसून बायलेचेर सामुहीक बलात्कार केल्ल्याचो आरोप जोडप्याच्या नात्यांतल्या लोकांनी केला. संबंदीत जोडप्यान आत्महत्या करचे पयलीं व्हिडियो रेकॉर्ड केल्लो आनी त्या व्हिडियोंत आरोपींचीं नांवां सांगिल्लीं, अशी म्हायती पुलिसांनी दिली.
आदर्श (25) आनी त्रिलोकी (45) अशीं अटक केल्ल्या आरोपींचीं नांवां जावन आसा. आरोपींची पुलीस चवकशी करतात. मरण आयिल्ल्या जोडप्याक आठ आनी स पिरायेचे दोग चले आनी एक वर्सांचें चली आसा. जमनीच्या खरेदी- विक्रेच्या वादांतल्यान हो सामुहीक बलात्कार जाल्ल्याची म्हायती मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
