इन्कम टॅक्स भरिना जाल्यार पडटले त्रासांत

भांगरभूंय | प्रतिनिधी

भांगरभूंय । खबरां संस्था
नवी दिल्ली: इन्कम टॅक्स रिटर्न भरपाची तारीख लागीं आयल्या. टॅक्स भरपा खातीर एक सप्तकाचो काळ उरला. ताका लागून हेर कामां फाटीं दवरून हें काम ह्या सप्तका भितर करप गरजेचें आसा.
थारिल्ले तारखे मेरेन इन्कम टॅक्स रिटर्न भरलो ना जाल्यार खुबश्यो आडखळी निर्माण जातल्यो. 31 जुलय 2023 ही आयटीआर भरपाची निमाणी तारीख जावन आसा. हे तारखे मेरेन करदाते अर्थीक वर्स 2021-22 वा कर निर्धारण वर्स 2022-23 चे रिटर्न भरपाक शकतात. इन्कम टॅक्स भरलो ना जाल्यार ताचे परिणामूय भोगचे पडटले.

निमाणे तारखेची वाट पळोवं नाकात
इन्कम टॅक्स भरपाक निमाणे तारखे मेरेन वाट पळोवंची न्हय. हे काम बेगीन करचें. दिल्ले तारखे मेरेन आयकर विवरणपत्र भरचें. ना जाल्यार दंड भरचें पडटलें. आयकर विवरणपत्र भरूंक ना जाल्यार आयकर विभागा कडल्यान आयकराची नोटीस येतली. उपरांत तुमकां टॅक्स भरचो पडटलो. तशेंच दंडूय भरचो पडटलो. हें काम ह्या सप्तका भितर करून उडोवंचें.