भांगरभूंय | प्रतिनिधी
रत्नागिरी पुलिसांनी टँकर घेतला ताब्यांत
पणजी: गुजरांतल्यान आरडीएक्सान भरिल्लो टँकर गोंयां येता, असो फोन मुंबय पुलिसांक आयलो. तांणी मागीर गोंय पुलिसांक कळयलें. संभाव्या धोको टाळपाक सगल्या शिमांचेर कडक नाकाबंदी केल्या.
खबर मेळटांच महाराष्ट्र आनी गोंय पुलिसांनी खर नाकाबंदी केली. हो टँकर सध्या रत्नागिरी पुलिसांनी ताब्यांत घेतला. हे विशीं फुडलो तपास सुरू केला. तातूंत खरेंच आरडीएक्स आसा, काय तो फोन ओगीच केल्लो, ताचीय पुलीस चवकशी करतात.
अशे तरेच्यो म्हायती दिवपी फोन जायते खेपो पुलिसांक येतात. पूण आयज आयिल्ली आरडीएक्स टँकरा विशींची म्हायती गोंय तशेंच महाराष्ट्राच्या पुलिसांनी गंभीरपणान घेतल्या. हे म्हायती उपरांत गोंयचीं सगळीं पुलीस स्टेशनां शिटूक जाल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
