भांगरभूंय | प्रतिनिधी
मडगांव, प्रतिनिधी : नुव्यां राजी मोटर्स कडेन आशिल्ल्या सिग्नला लागसार शेनवारा सकाळीं गाडी आनी रिक्षेचो अपघात जाल्लो. ह्या अपघातांत जखमी जाल्ल्या रिक्षा चालकाक गोमॅकोंत दाखल केल्लो. मात उपचारा मजगतीं जखमी रिक्षाचालक रशीद शेख ऊर्फ अब्दुल हाका आयज मरण आयलें.
शेनवारा सकाळीं नावेलीचे राजाराम मयेंकार हे गाडयेंतल्यान वतना नुव्यांचे राजी मोटर्स लागसारच्या जंक्शना कडलीं सिग्नलां बंद आशिल्ल्यान तांकां थंयच्यान येवप रिक्षेचो अदमास येवंक ना. तांणी अब्दुल हांचे रिक्षेक नेटान धपको दिलो. गाडयेचो धपको बसना फुडें रिक्षा सुमार 10 ते 20 मिटर झरकटत गेली. ह्या अपघातांत रिक्षा चालक गंभीर जखमी जालो. तांचे तकलेक मार बसलो. तांकां रोखडोच बांबोळे दाखल केल्लें. उपचारा वेळार अब्दुल हांकां मरण आयलें. पुलिसांनी ह्या प्रकरणांत गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
