भांगरभूंय | प्रतिनिधी
पणजी, प्रतिनिधी : अंदुंचो अर्थसंकल्प लोकाभिमुख जावचो म्हूण सरकारान सामान्य लोकां कडल्यान सुचोवण्यो मागयल्यात. सामान्य लोकांनी अर्थसंकल्पा खातीर आपल्यो सुचोवण्यो goabudget.gov.in वा goaonline.gov.in/budget ह्या पत्त्याचेर धाडपाचें आवाहन मुख्यमंत्री डॉ. प्रमोद सावंत हांणी केलां.
विधानसभेचे अर्थसंकल्पी अधिवेशन 2 फेब्रुवारी सावन सुरू जातलें. सप्तकभर चलपी ह्या अधिवेशनात मुख्यमंत्री सावंत 2024 – 2025 वर्सा खातीरचो अर्थसंकल्प सादर करतले. अर्थसंकल्पाची तयारी नेटान सुरू आसा. खात्यां सयत गोवा चेंबर तशेच उद्देग, पर्यटन, सहकार संबंधीत संघटणां कडेन चर्चा सुरू आसा. अंदुचो अर्थसंकल्प स्वयंपूर्णतेक उर्बा दिवपी आसतलो, अशें मुख्यमंत्र्यांनी स्पश्ट केलां. व्हिजाचेर सवलत दिवपाची मागणी ट्रॅवल आनी टुरिजम संघटणेन केल्या जाल्यार उद्येगाचेर नवे शुल्क लागू करचें न्हय, अशी मागणी गोवा चेंबरान केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
