अनमोड – पोरणें गोंय चौपदरीकरणाचेर 2900 कोटींचो खर्च
भांगरभूंय | प्रतिनिधी
पणजी : गोंय- बेळगांव येरादारी सुरळीत जावपा खातीर अनमोड ते पोरणें गोंय मेरेन रस्त्याचें चौपदरीकरण जातलें. ताचेर 2900 कोटींचो खर्च जातलो. चौपदरीकरणा खातीर भोमाचे देवूळ वच्चें ना. 4 घरांक फटको बसतलो, अशें बांधकाम खात्याचे मंत्री निलेश काब्राल हांणी सांगलें.
सांवड्डेंचे आमदार गणेश गांवकार हांचे लक्षवेधी सुचोवणेक तांणी ही जाप दिली.
पोरणें गोंय ते अनमोड मेरेनचो रस्तो गोंयचे हद्दींत येता. अनमोड ते बेळगांव मेरेनचो कर्नाटकाचे हद्दींत येता. चौपदरी करणाचें काम करपाची प्रक्रीया सुरू आसा. अनमोड ते मोलें मेरेन 1500 कोटी, संजीवनी साकर कारखानो ते खांडेपार मेरेन 650 कोटी जाल्यार फोंडें ते भोमा मेरेन 750 कोटी रूपया खर्च जातले. गोंय ते अनमोड मेेरेन 2900 कोटी रूपया चौपदरी करणाचेर खर्च जातले.
भोमा गांवांत 22 बांधकामां आसात. हांतलीं 4 घरा आसात आनी हेर तात्पुरतीं बांदकामां आसात, अशें काब्राल हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
