भांगरभूंय | प्रतिनिधी
फोंडें: अनमोड घांटांतल्या कर्नाटक शिमेंत बुधवारा सांजवेळा हुबळी सावन सांवड्ड्यां वचपी जीए 09 डी 3027 क्रमांकाची सेलेरियो मोटार गोंय-कर्नाटक शिमे कुशीक आशिल्ल्या पुला वयल्यान सादारण 20 फूट सकयल देगणांत पडली.
ह्या पुलाक कसलेच तरेची राखणे वणत नाशिल्ल्यान तशेंच घांटांत आशिल्ल्या धुक्याक लागून मोटार देगणांत सकयल पडली. हातूंत आशिल्ले तिनूय प्रवासी जखमी जाले. जखमींक गोंय तशेंच कर्नाटक पुलिसांनी पिळयें धारबांदोडेंच्या मुळाव्या भलायकी केंद्रांत दाखल केले. उपरांत तांकां बांबोळे गोंय वैजकी म्हाविद्यालयाच्या हॉस्पिटलांत अदीक उपचारा खातीर धाडून दिले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
