भांगरभूंय | प्रतिनिधी
पणजी, प्रतिनिधी : अर्थसंकल्प अधिवेशनाची कार्यावळ निश्चित करपा खातीर कामकाज सल्लागार समितीची बसका 25 जानेवारीक सकाळीं 11 वरांचेर जातली. विधानसभा सचिव नम्रता उल्मन हांणी ही म्हायती दिली. विधानसभेचे अर्थसंकल्पी अधिवेशन 2 फेब्रुवारीक सुरू जातले.
अर्थसंकल्पी अधिवेशन 2 ते 9 फेब्रुवारी अशे 6 दीस जातलें. मुख्यमंत्री डॉ. प्रमोद सावंत हे अर्थमंत्री हे नात्यान अधिवेशनात 2024 – 2025 वर्साचो अर्थसंकल्प सादर करपाचे आसा. अर्थसंकल्पाची तयारी नेटान सुरू आसा. तो लोकाभिमुख आसतलो, अशें सुतोवाच मुख्यमंत्री डॉ. प्रमोद सावंत हांणी केलां. गोवा चेंबर, सोरो विक्री संघटणा हांचे सयत मुख्यमंत्र्यांनी बसका घेतल्या.
राज्यपालांच्या अभिभाशणान अधिवेशनाची सुरवात जातली. अधिवेशनांतली सरकारी विधेयकां, खासगी थाराव तशेच हेर कामकाज निश्चित करपाक 25 जानेवारीक बसका जातली. अधिवेशनाचो कालावधी वाडोवचो, अशी काँग्रेस सयत हेर विरोधी पक्षांची मागणी आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
