भांगरभूंय | प्रतिनिधी
वास्को: हांगाचे साळगांवकार इमारतीच्या मुखा वयल्या रस्त्याचेर अतिक्रमण करपी विक्रेत्यांक मुरगांव पालिकेन मंगळारा काडले. सध्याच्या नुस्तें मार्केटांत तांची वेवस्था केल्या. रिकामो जाल्ल्या जाग्यार आतां चार चाकी वाहनां उबीं करतले.
मुरगांव पालिका मंडळाच्या मार्केट समितीचे अध्यक्ष नगरसेवक प्रजय मयेंकार हांणी केल्ले हे कारवाये विशीं नागरिकांनी समाधान उक्तायलें.
ह्या विक्रेत्यांनी हांगच्या चारचाकी पार्किंगाच्या जाग्यार वेवसाय थाटिल्लो. ह्यान पयलींय तांकां थंयच्यान काडिल्ले. पूण तांणी परत थंय अतिक्रमण केल्लें. दिसान दीस हांगा विक्रेत्यांचो आंकडो वाडतूच आशिल्ल्यान मुरगांव पालिकेन तांकां जागो खाली करपाची सुचवणी पयलींच दिल्ली. ते प्रमाण मंगळारा हांगच्यान सगळ्या विक्रेत्यांक नव्या मार्केटांत व्हेले.
ह्या विक्रेत्यांक काडिल्ल्यान चारचाकी वाहनचालकांनी समाधान उक्तायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
