भांगरभूंय | प्रतिनिधी
-335 कोटींची 33 टक्केच कामां पुराय : मुख्यमंत्री
पणजी : स्मार्ट सिटीच्या कामांत भ्रश्टाचार जाल्ल्याचो आरोप करतनाच न्यायालयीन चवकशेची मागणी विरोधकांनी केली. स्मार्ट सिटीचीं 33 टक्के कामां पुराय जाल्यात. बरीच कामां जावपाची आसात. भरतीक लागून पणजे पावसांत उदक भरलें, अशें मुख्यमंत्री डॉ. प्रमोद सावंत हांणी सभाघरांत
सांगलें.
अधिवेशनाच्या तिसरे दिसाची सुरवात एल्टन डिकॉस्टा हांच्या स्मार्ट सिटी वयल्या प्रस्ना वयल्यान
जाली. आमदार विजय सरदेसाय हांणी न्यायालयीन चवकशेची मागणी केली. आतां मेरेन 335 कोटींचीं कामां पुराय जाल्यात. पयलीं सारकें उदक भरून रावंक ना, अशें मुख्यमंत्री डॉ. प्रमोद सावंत हांणी सांगलें.
स्मार्ट सिटी ही व्हड भानगड आसा, हाची न्यायालयीन चवकशी करपाची मागणी विजय सरदेसाय हांणी केली. काम सुरू करपाच्या पयलीं जमनीचें माती परिक्षण कित्याक करुंक ना? असो प्रस्न विरोधी पक्ष फुडारी युरी आलेमांव हांणी केलो.
स्मार्ट सिटीच्या आदल्या मुख्याधिकार्या आड कागाळ नोंद केल्या. कंत्राटदाराक नोटीस धेडल्या, चवकशी सुरू आसा, अशें मुख्यमंत्री डॉ. प्रमोद सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
