भांगरभूंय | प्रतिनिधी
बंगळुरू शारांत हालींच जाल्ले बीबीसीएच क्लासीक रोड रेसींत साश्टी रेसिंगाचे मार्क जुझे फर्नांडीस (17) आनी अशवाल फर्नांडीस (14) हांणी वळेरेन भांगरा पदक आनी कांश्या पदक जिखलें.
87.4 किमी अंडर- 18 रोड रेस बंगळुरू-हैदराबाद म्हामार्गाचेर जाली आनी तातूंत केरळ, कर्नाटक, तमिळनाडू, आंध्र प्रदेश सयत दक्षीण भारतांतले वांटेकार जाल्ले.
मार्क फर्नांडीस हो फोंडेंच्या जीव्हीएम उच्च माध्यमीक स्कुलांत यत्ता 12वेंत शिकता, जाल्यार अशवाल फर्नांडीस हो वेर्णेंच्या फादर आग्नेल मल्टीपर्पझ स्कुलांत यत्ता 9वेंत आसा.
बीबीसीएच (बंगळुरू सायकल चॅम्पियनशीप) ही 2009 वर्सा सावन भारताची मुख्य सायकलींग सर्तींतली एक आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
