भांगरभूंय | प्रतिनिधी
भांगरभूंय । प्रतिनिधी
शिवोलीः सात वॉर्डांच्या सडयें- शिवोली पंचायतीचेर शिवोलेची आमदार डिलायला लोबो हिचे चार समर्थक वेंचून आयल्यात. सचीन मांद्रेकार ह्या तरणाट्या उमेदवारांक व्हडलें जैत मेळोवन पंचायतीचेर आशिल्लें गोलतेकार हांचे फ्रमिली राज सोपयलें.
आपणे जैत मेळयल्ल्या वॉर्डांत गोलतेकार फॅमिलीचें 55 वर्सांचें राज्य आपणे आतां सोपयलां असो दावो मांद्रेकार हांणी केला. मांद्रेकार हांच्या वांगडाच आदलो सरपंच नीलेश वायंगणकार, आदलो पंच निशांक कळंगुटकार आनी दीपा पेडणेकार वेंचून आयलां. हे पंचायतींत सरपंचपद बायलां खातीर राखीव आसा. लोबो समर्थक पॅनलांतली दीपा पेडणेकार ही वेंचून आयिल्ल्यान ती सरपंच जातली हें स्पश्ट जालां. पंचायत वाठाराचे उदरगती खातीर जाय तें सहकार्य करपाचें उतर आमदार डिलायला लोबोन दिलां. वेंचून आयिल्ल्या उमेदवारांक तिणे परबीं भेटयल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
