भांगरभूंय | प्रतिनिधी
पणजी: गोंय सरकाराच्या कला आनी संस्कृती संचालनालयान गोंयांतल्या वारकर्यां खातीर मजत येवजण हे येवजणे खाला गोंयच्या वारकरी (दिंडी) पंगडांची नोंदणी करपाची प्रक्रिया सुरू केल्या. गोंयच्या वारकरी संप्रदायाक वर्सुकीपंढरपूर वारींत वाटेकार जावपाक आनी भक्ती परंपरा सांबाळून दवरपाक मजत करपा खातीर ही येवजण सुरू केल्या. पंढरपूर वारीच्या काळांत गोंयच्या वारकरी संप्रदायाची योग्य वेवस्था जावची म्हूण ही येवजण आसा.
गोंयच्या सगल्या दिंडी पंगडांच्या मुखेल्यांनी विहित नमुन्यातलो अर्ज भरून म्हत्वाच्या दाखल्या सयत वेळार सादर करचो. तशेंच दिंडींत वाटेकार जावपी वारकर्यांची म्हायती आनी तपशील तपासपाक जाय, जेणे करून नोंदणी प्रक्रिया वेवस्थीत जातली.
नोंदणी अर्ज संचालनालयाच्या www.artandculture.goa.gov.in हे वेबसायटीचेर उपलब्ध आसा. अर्ज सादर करपाची निमाणी तारीख १० मे २०२६ आसा.
चड म्हायती खातीर कामाच्या वेळार ०८३२- २४०४६४०/ ६३८/ ६३७/ ६३६ चेर संपर्क करचो.
#Varkari #Goa #VarkariScheme #GoaGovernment #Pandharpur
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
