भांगरभूंय | प्रतिनिधी
खबरां संस्था
नवी दिल्ली : नियंत्रण रेशेर पूंछ सेक्टरांत पाकिस्तानान परतून शुक्रारा फारपेट केलो. भारतीय सैनीक पाकिस्तानी सैनिकांक योग्य जाप दितात. ते भायर जम्मू, सांबा, पठाणकोट वाठारांत लेगीत पाकिस्तानाचे ड्रोन दिशिल्ल्याची म्हायती मुखार आयल्या. सुरक्षेच्या कारणां खातीर कांय कडेन ब्लॅकआवट केल्ल्याचीय म्हायती मेळ्ळ्या.
जम्मूंत शुक्रारा भारतीय हवाई दळान पाकिस्तानी ड्रोन उडयलो, तेन्ना तांबड्यो रेशो दिसल्यो आनी स्फोटांचेय आवाज आयकुपाक आयले. एका खबरे संस्थेन हे घडणुकेचो व्हिडीयो ट्वीट केला.
मजगतीं, फिरोजपूरांत लेगीत पाकिस्तानी ड्रोन मळबांत भोंवताडे मारतना दिसताले. मजगतीं, फिरोजपूरांत वीज पुरवण बंद केल्ली.
सांबा वाठारांत स्फोटाचो आवाज आयकुपाक आयले उपरांत उधमपूरांतली पुराय वीज पुरवण बंद केली.
मजगतीं, जम्मू आनी काश्मीराचे मुख्यमंत्री ओमर अब्दुल्ला हांणी जम्मूचे भोंवतणी रावपी लोकांक रस्त्याचेर वच्चे न्हय अशें सांगलां. आपूण जंय आसा थंयच्यान अदीं मदीं आपल्याक स्फोटांचे आवाज आयकुपाक येता. जम्मू आनी सरभोंवतणी रावप्यांक आपली कळकळीची विनवणी आसा, उपकार करून फुडलीं कांय वरां रस्त्याचेर वचूं नाकात, घरांतूच रावात. वावड्यां कडेन आडनदर करात, वावड्यो पातळांव नाकात आनी आमी सगळे एकवटीत रावून हातूंतल्यान वाट काडुया, अशें मुख्यमंत्री अब्दुल्ला हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
