भांगरभूंय | प्रतिनिधी
रशियेक बेगिनूच नवो राष्ट्रपती, वॅग्नर आर्मीचो दावो
खबरां संस्था
मॉस्को: रशिया-युक्रेन झूज सुरू आसतनाच मॉस्को मुखार रशियन सैन्य आनी वॅग्नर ग्रूप ह्या खाजगी लश्कराचे सैन्य हांचें मदीं झुजाची कीट पेटल्या. वॅग्नर ग्रूप रशियेची शक्त मानतात. पूण आतां ह्याच ग्रुपान राष्ट्राध्यक्ष व्लादिमीर पुतीन आनी रशियन सैन्या विरोधांत बंड केलां. वॅगनर ग्रुपाचे 30 हजार सैन्य लडपाक सज्ज आसात. वॅग्नर ग्रुपाच्या मुखेल्यान रशिये आड झुजाची घोशणा केल्या. मॉस्कोचे दिशेन येवपी म्हामार्ग बंद केला.
रशियेच्या पावलोव्हस्क जिल्ह्यांत रशियन सैन्य आनी वॅग्नर गटाच्या सैनिकां मदीं चकमक सुरू जाल्या. येवगेनी प्रीगोझीन हाणें रशियेच्या लोकां खातीर झूज करपाक आपले 25 हजार सैनीक सज्ज आशिल्ल्याची घोशणा केल्या.
वॅगनर ग्रुपाचे सैनीक रशियन शारांत रोस्तोव्हांत दाखल जाल्यात. रोस्तोव शारांतल्या रस्त्यांचेर टँक आनी सशस्त्र सैनीक दिसतात. ताचे व्हिडियोय सोशल मिडियाचेर शॅर केल्यात. रशियेच्या संरक्षण मंत्र्यांच्या आदेशा प्रमाण रशियन झुजारी विमानांनी तांच्या वॅगनर ग्रुपाच्या सैनिकांचेर बॉम्ब शेंवटिल्ल्याचो आरोप प्रीगोझीन हांणी केला.
मजगतीं, येवगेनी प्रीगोझीन हो पुतीन हांचो म्हाेरक्या आशिल्लो. युक्रेनांतल्या बाझमुटांतल्या वॅगनर प्रशिक्षण शिबिराचेर क्षेपणास्त्र हल्लो जाल्लो. ताक लागून हे संघटणेचो मुखेली येवगेनी प्रीगोझीन तिडकला. तांणी हे खातीर क्रेमलिनाक जापसालदार मानला. ते खातीर रशियेक ख्यास्त आनी सूड घेवपाचो सोपूत तांणी घेतला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
