भांगरभूंय | प्रतिनिधी
पणजीः गोंय विद्यापिठांत शिकपी दोन विद्यार्थिनींचेर पुलीस अधिकाऱ्यान केल्ल्या लिंगीक अत्याचार प्रकरणांत विद्यापिठाच्या अंतर्गत समितीन चार दीस चवकशी करून ताचो अहवाल मंगळाराक विद्यापिठाक सादर केला. विद्यापिठान तो पुलीस खात्याक सादर केला. ह्या प्रकरणाची चवकशी सुरू आसा अशें मुख्यमंत्री डॉ प्रमोद सावंत हाणी फाटल्या शेनवारा पत्रकारांक सांगिल्लें.
फाटल्या मे म्हयन्यांत प्रशिक्षणा खातीर पुलीस विभागांत गेल्ल्या दोन विद्यार्थिनीचेर एका पुलीस अधिकाऱ्यान लिंगीक अत्याचार केल्ले. विद्यार्थिनीनी ते संबंदी विद्यापिठा कडेन कागाळ करून लेगीत चार म्हयने जाले तरी समिती कडल्यान चवकशी जायनाशिल्ली. समितीच्या सुनावणेक लेगीत तो पुलीस अधिकारी हाजीर रावनाशिल्लो. दिसाळ्यांनी हे संबंदी खबरो दितगीर राज्य बायल आयोगान समितीक बेगोबेग अहवाल दिलपाक सांगल्लें. ते प्रमाण चार दीस चवकशी करून समितीन आपलो अहवाल दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
