भांगरभूंय | प्रतिनिधी
नवी दिल्ली, खबरां संस्था ः वन डे वर्ल्डकप सर्ती खातीर भारतीय क्रिकेट पंगडाची घोशणा जाल्या. भारतांतल्या क्रिकेट नियंत्रण मंडळान (बीसीसीआय) रोहित शर्मा हांच्या फुडारपणा खाला 15 वांगड्यांचो पंगड वेंचला. ही सर्त भारतांत 5 ऑक्टोबर ते 19 नोव्हेंबर मजगतीं जातली. भारतीय पंगड 8 ऑक्टोबराक चेन्नयंत ऑस्ट्रेलिये आड पयली मॅच खेळटलो.
दुखापत जाल्ल्या के एल राहुलाची पंगडात निवड जाल्या. आशिया कपा खातीर वेंचून आयिल्ले तिलक वर्मा आनी प्रसिद्ध कृष्णा हांकां पंगडांत दवरूंक नात.
भारतीय पंगड
रोहित शर्मा (कॅप्टन), शुबमन गिल, विराट कोहली, श्रेयस अय्यर, ईशान किशन, के एल राहुल, हार्दिक पांड्या (उपकप्तान), सूर्यकुमार यादव, रवींद्र जडेजा, अक्षर पटेल, शार्दुल ठाकुर, मोहम्मद शमी, मोहम्मद सिराज, जसप्रीत बुमराह आनी कुलदीप यादव.
आयसीसीच्या नेमा प्रमाण वर्ल्ड कपांत वांटो घेवपी सगळ्या देशांनी 5 सप्टेंबरा मेरेन आपले पंगड जाहीर करपाक जाय. 27 सप्टेंबर मेरेन पंगडांत बदल करूं येतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
