भांगरभूंय | प्रतिनिधी
पणजी : राष्ट्रपती द्रौपदी मुर्मू आयज मंगळार सावन तीन दिसांचे गोंय भेटेक येतात. आयज गोंयांत पावले उपरांत सांजे 4.30 वरांचेर आझाद मैदानाचेर सुटके झुजाऱ्यांच्या यादस्तीकाक मानादीक राष्ट्रपती फुलां घालून आर्गां ओंपतलीं. उपरांत राजभवनाचेर दरबार हॉलांत राष्ट्रपती खातीर येवकार सुवाळो आयोजीत केला.
बुधवारा सकाळीं राजभवनाचेर गोंय विद्यापिठाचो दिक्षांत सुवाळो आयोजीत केला. राष्ट्रपती द्रौपदी मुर्मू मुखेल सोयरी ह्या नात्यान दिक्षांत सुवाळ्याक हाजीर आसतली. सांजे 4 वरांचेर विधानभवनांत आमदारांक राष्ट्रपती संबोधीत करतली. बिरेस्तारा 24 तारखेक बासिलिका चर्चीक राष्ट्रपती भेट दितली. राष्ट्रपती मुर्मू हांचे गोंय भेटीक लागून सुरक्षा वेवस्था खर केल्या. पुलिसांनी ट्रॅफीक अडव्हायजरी जारी केल्या. राजभवन ते बांबोळी तशेंच हेर रस्ते येरादारीक बंद आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
