भांगरभूंय | प्रतिनिधी
खासदार विनय तेंडुलकाराचो कार्यकाळ 28 जुलयाक सोंपता
भांंगरभूंंय प्रतिनिधी
पणजी : गोंया सयत राज्यसभेच्या 10 जागांं खातीर 24 जुलयाक मतदान जातलें. वेंचणूक आयोगान राज्यसभा वेंचणुकेची कार्यावळ जाहीर केल्या.
गोंयचे राज्यसभा खासदार विनय तेंडुलकार हांचो कार्यकाळ 28 जुलयाक सोंपता. 6 जुलयाक अधिसुचोवणी जारी जातली. उमेदवारी अर्ज भरपाची 13 जुलय ही निमाणी तारीख आसा. लुईझीन फालेरो हे अस्तंत बंंगाल सावन राज्यसभेचेर गेल्ले. तांंणी राजिनामो दिल्ल्यान एक सुवात रिती जाल्या. कार्यकाळ पुराय जावचे पयलींच एप्रीलांत तांंणी राजिनामो दिल्लो. हे सुवाते खातीर 24 जुलयाक मतदान जातले. केंंद्रीय विदेश वेव्हार मंत्री एस. जयशंंकर, तृणमुलचे फुडारी डेरीक ओब्रियन हांचो कार्यकाळ सोंपता.
गोंयात लेगीत राजकी पक्षा कडल्यान राज्यसभेची तयारी सुरू जाल्या. प्रदेश भाजप अध्यक्ष सदानंंद शेट तानावडे हांंकां भाजपाची उमेदवारी मेळपाची शक्यताय आसा. विरोधी पक्षांचो उमेदवार मात अजून थारपाचो आसा. राज्यसभे खातीर आमदार तशेंच खासदार मतदान करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
