भांगरभूंय | प्रतिनिधी
पणजी: गोंयचे राज्यपाल पी. एस. श्रीधरन पिल्लय हांणी आयज पणजेच्या ईडीसी हाव्जांत गोंय लोकसेवा आयोग कार्यालयाच्या तिसर्या माळ्याचें उक्तावण केलें. लोकसेवा आयोग कार्यालयाच्या तिसर्या माळ्यार परिक्षा हॉल, सेमिनार हॉल
आनी हेर सुविधायो आसात.
गोंय लोकसेवा आयोगाच्या विस्तारीत कार्यालयाचें आपल्या हस्तुकीं उक्तावण जाल्ले खातीर समाधान उक्तावन राज्यपालान आमी सगळे लोकांचे सेवक आशिल्ल्यान आमी लोकांक न्याय दिवपा खातीर तशेंच गोंय हे देशातलें आदर्श राज्य करपा खातीर
काम करपाक जाय, अशें म्हणलें.
ह्या वेळार राज्यपाला हस्तुकीं सेवेची 25 वर्सां पुराय केल्ल्या गोंय लोकसेवा आयोगाच्या कर्मचार्यांचो भोवमान केलो.
गोंय लोकसेवा आयोगाचे अध्यक्ष जुजे मान्युएल नोरोन्हा, गोंय लोकसेवा आयोगाचे वांगडी प्रो. (डॉ) सुखाजी नाईक, सचीव यतींद्र मराळकार ह्या वेळार हाजीर आशिल्ले.
सुरवातेक सुखाजी नायक हांणी मानेस्तांक येवकार दिलो आनी निमाणे यतींद्र मराळकार हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
