भांगरभूंय | प्रतिनिधी
-मुर्डीवाडाे – खांडेपार वाठारांत काम सोंप मेरेन जमावबंंदी
पणजी : बंंधारे तशेंच पंंपींग स्टेशन उबारपाक लोकांंचो विरोध आशिल्ल्यान दक्षीण गोंय जिल्होधिकाऱ्यांनी खांंडेपार, उसगांव वाठारांत 144 कलम लागू केलां. 144 कलम आयज सावन ते काम सोंप मेरेन आसतलें. बंधारो तशेंच पंंपींग स्टेशन उबारपाचें काम आयच्यान सुरू जालें. लोकांंचो विरोध मोडून काडपा खातीर 144 (जमावबंदी) कलम लागू केलां.
दक्षीण गोंयचे जिल्होधिकारी अस्विन चंंद्रू हांंणी बिरेस्तारा आदेश जारी केला. फौजदारी दंंड संंहिता 1973 चें 144 कलम मुर्डीवाडाे, खांंडेपार, सोनारबाग, उसगांव ह्या वाठारांत आयज सकाळीं 7 वरांचेर लागू जातलें. 144 कलम लागू जाल्ल्यान ह्या वाठारांत 5 परस चड लोकांक एकठांय येवपाक मेळचे ना. 5 परस चड लोक एकठांय आयले जाल्यार तांचेर कायद्या प्रमाण कारवाय जातली.
प्रियोळ मतदारसंंघांतल्या शितोळे, वेरें आनी केरी वाठारांत उदका पुरवण करपा खातीर मुर्डीवाड्यार बंधारो आनी पंंपींग स्टेशन बांंदपाचो प्रस्ताव आसा. हे विशींची निविदा भौशीक बांंदकाम खात्यान जारी केल्या. मुर्डीवाडो तशेंच हेर ग्रामस्थांचो बंधाऱ्याक विरोध आसा. हाचे पयलीं काम सुरू करतना लोकांनी आडखळ केल्ली. ही गजाल मतींत घेवन भौशीक बांदकाम खात्याच्या अभियंत्यान काम करपा खातीर पुलीस संरक्षणाची मागणी केल्ली. संंरक्षण दिवपा खातीर दक्षीण गोंय पुलीस अधिक्षकांनी 144 कलम लागू करपाची मागणी जिल्होधिकाऱ्यां कडेन केल्ली. ते प्रमाण दक्षीण गोंय जिल्होधिकाऱ्यांनी 144 कलम लागू केलां. मुर्डीवाडाे, खांडेपार, उसगाेव वाठार फोंडें म्हालांत येतात. फोंडें पुलीस 144 कलमाची कार्यवाह करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
