भांगरभूंय | प्रतिनिधी
भांगरभूंय । प्रतिनिधी
पेडणेः पेडणे तालुक्यांतल्या 17 पंचायतींच्या निकालांत प्रस्थापितांक हारीचो धपको बसलो. मांद्रें मतदारसंघातल्या चडश्या पंचायतींत आदलो आमदार दयानंद सोपटे हांचे वर्चस्व दिसून आयलां. आमदार जीत आरोलकार हांची समर्थक पॅनलां आगरवाडा आी पालवे आनी मांद्रे पंचायतींत वेंचून आयल्यांत असो तांचो दावो आसा. पेडणे मतदारसंघात आमदार प्रवीण आर्लेकार हांचे समर्थक वेंचून आयल्यात.
मोरजी पंचायत वाठारांतल्या आदलो सरपंच मंदार पोके आनी आदली पंच सुप्रिया पोके हे देर- भावजय वेंचून आयल्या. मोरजी पंचायतीची आदली सरपंच वैशाली शेटगांवकार हिका राज्यसभा खासदार विनय तेंडुलकार हांचो भाजो सुहास शेटगांवकार हांणी वॉर्ड तिनांत हारोवपाची कामगिरी करून दाखयली. हेच पंचायतीच्या वॉर्ड दोनांत आ आदलो उपसरपंच अमीत शेटगांवकार हिची घरकान्न सुरेखा शेटगांवकार हिणे आपली जाव वंदना रामनाथ शेटगांवकाराचेर व्हड मताधिक्यान जैत मेळयलें.
मांद्रैे पंचायतीच्या 5 नंबराच्या वॉर्डांत पत्रकार किशोर शेट मांद्रेकार आनी राजेश मांद्रेकार हांका सारकींच मतां मेळ्ळी. निमाणे लॉटरी पद्दतीन निकाल लायलो आनी राजेश मांद्रेकार हाणे ती जिखली. आदली जिल्हो पंचायत वांगडी सुविधा कोरगांवकार हिका हार खावची पडली. हरमलच्या वेंचणूक लडोवपी दिव्यांक उमेदवार कुणाल ठाकूर हाची हार जाली.
मांद्रे पंचायतींत आदली सरपंच रावजी सावंत हाका अॅड अमीत सावंत हांणी हारयलें. आदलो आमदार दयानंद सोपटे आनी सध्याचो आमदार जीत आरोलकार आपल्या जैता खातीर वावुरले अशें तांणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
