भांगरभूंय | प्रतिनिधी
आयज छाननी, फाल्यां अर्ज फाटीं घेवपाचो दीस
भांगरभूंय I प्रतिनिधी
पणजी : पंचायत वेंचणुकां खातीर 6,256 अर्ज राज्य वेंचणूक आयोगा कडेन आयल्यात. मंगळारा अर्जांची छाननी जातली. बुधवारा अर्ज फाटीं घेवपाचो दीस. ताका लागून बुधवारा सांजे मेरेन वेंचणुकांचें पुराय चित्र स्पश्ट जातलें.
गोंयांतल्या 186 पंचायतींच्या वेंचणुकां खातीर 18 जुलयच्यान अर्ज भरपाक सुरवात जाल्ली. 25 जुलय हो निमाणो दीस
आशिल्लो. निमाण्या दिसा 1,499 जाणांनी अर्ज सादर केले. ताका लागून वट्ट अर्जांची संख्या 6,256 जाल्या.
वेंचणुकां खातीर एससी 21, एसटी 187 जाल्यार अोबीसी खातीर 307 प्रभाग राखीव दवरल्यात. 10 ऑगस्टाक वेंचणुकां खातीर मतदान जातलें. 8,27,099 मतदार मतपत्रिके वरवीं मतदान करतलें. 12 ऑगस्टाक मतमेजणी जातली. वेंचणुके खातीर दरेक उमेदवाराक 40 हजार रुपया मेरेनची खर्च मर्यादा दिल्या. राज्य वेंचणूक आयोगान मतदाना खातीर नेटान तयारी सुरू केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
