भांगरभूंय | प्रतिनिधी
भांगरभूंय । प्रतिनिधी
पोरणे गोंयः सान्तआंद्रेचो आमदार विरेश बोरकार हांणी उत्तर गोंयचो उपजिल्होधिकारी राजेश आजगांवकार आनी सान्ताक्रुज पंचायत मंडळा वांगडा बांबोळे जीएससी वाठारांत गाडेवाल्यांची पुनर्वसणूक करपा खातीर तयार केल्ल्या दुकान प्रकल्पाची पळोवणी केली. फळां आनी भाजीपालो विक्रेत्यांनी ते संबंदी कागाळ केल्ली.
दुकाना, गाडे आसात ते सुवातेर गिरायक मेळप कुस्तार जाता. ताका लागून विकपाक हाडिल्लो माल इबाडटा अशें विक्रेत्यांनी आमदार बोरकार आनी आजगांवकार हाका सांगलें. वारें बरे तरेन खेळटा अशे उक्ते सुवातेर आमची वेवस्था करपाक जाय आशिल्ली. आता आसात थंय गिरायक मेळना असें शकुंतला हिणे सांगलें. दुकानां बांदल्यात ताच्या फुटपाथाचेर आमका माल विकपाक मेकळीक दिवची अशें विक्रेत्यांनी मागलां.
गिरायक मेळचें ना अशी परिस्थिती येवपाची शक्यतात आपणे हाचे पयलींच सरकारी यंत्रणेचे नदरेक हाडून दिल्लें. पुनर्वसणूक प्रकल्पाचे नियोजन सारकें करूं ना
अशे विरेश बोरकार हांणी सांगलें. समस्येचेर तोडगो काडसर विक्रेत्यांक फुटपाथार वेवसाय करपाची मेकळीक दिवपाची सूचोवणी तांणी उपजिल्होधिकाऱ्याक केल्या. प्रकल्पा भायर कोणाक वेवसाय करपाक दिवपा आड पंचायत आसा अशें सान्ताक्रुज पंचायतीचो उपसरपंच डॉमनीक परेरा हांणी सांगलें.
दीनदयाळ गाडेवाल्यांनी बेकायदेशीरपणान गाड्यांचो विस्तार केला. जीएमसी गेटी भायर आशिल्ल्या गाडेवाल्यांनी तेंच केलां हाची म्हायती उपजिल्होधिकाऱ्याक ह्या वेळार ताणे दिली. कुडका पंचायत तसेंच आमदार विरेश बोरकार हांचो गेटी भायर आशिल्ल्यांक तेंको आसा असो आरोप ताणे केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
