भांगरभूंय | प्रतिनिधी
बंगळुरू : भारताच्या ‘चांद्रयान-3’चे लँडर जे सुवातेर देंवला, ते सुवातेक हाचे मुखार ‘शिवशक्ती’ नांवान वळखताले. तशेंच हाचे मुखार 23 ऑगस्ट दीस राष्ट्रीय अंतराळ दीस म्हूण मनयतले, अशी घोशणा प्रधानमंत्री नरेंद्र मोदी हांणी केल्या.
चांद्रयान-3 मोहीम येसस्वी जाले उपरांत प्रधानमंत्री नरेंद मोदी हांणी शेनवारा सकाळीं बंगळुरूंत वचून इस्रोच्या वैज्ञानिकांची भेट घेवन तांचे अभिनंदन केले. ह्या येसाक लागून सगल्या देशांच्या मून मिशना खातीर नवे रस्ते निर्माण जातले, असो विस्वास तांणी उक्तायलो. चंद्राच्या जे सुवातेर यानाचें लँडींग जालां, ते सुवातेक हाचे मुखार शिवशक्ती म्हूण वळखताले. तशेंच हो दीस दरेक भारतीयांच्या कायमस्वरूपी लक्षांत उरचो, हे खातीर 23 ऑगस्ट दरवर्सा राष्ट्रीय अवकाश दीस म्हूण मनयतले, अशें तांणी सांगलें.
मजगतीं, शिवांत मनीस जातीच्या कल्याणाचो संकल्प आसा आनी शक्ती पसून त्या संकल्पांक पुराय करपाक सामर्थ्य मेळटा. ज्या मनान आमी कर्तव्य कर्म करतात, विचार आनी विज्ञानाक गती दितात आनी जे सगल्यां मदीं आसा, ते मन शुभ आनी कल्याणकारी संकल्पा कडेन जोडिल्लें उरचें, हे खातीरूच शिवशक्ती नांव दिलां, अशें प्रधानमंत्र्यांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
