भांगरभूंय | प्रतिनिधी
रेल्वे प्रशासना कडल्यान वेळापत्रक जाहीर
भांगरभूंय प्रतिनिधी
मडगांव : कोंकण रेल्वे मार्गार चवथीच्या काळांत आनीक 6 विशेश गाडयो धांवतल्यो. हे विशींचे वेळापत्रक रेल्वे प्रशासनान जाहीर केलां. हाचे पयलीं चवथीच्या काळांत रेल्वेच्या तिकेट आरक्षणांत काळो बाजार जाल्ल्याचो आरोप जाल्लो आसतना आतां कोंकण रेल्वे कडल्यान 6 विशेश गाडयांचें वेळापत्रक जाहीर जालां.
कोंकण रेल्वे प्रशासना कडल्यान मेळिल्ले म्हायती प्रमाण, रेल्वे क्रमांक 01171 ही मुंबय ते सावंतवाडी मेरेन सोडटले. ही गाडी 13 सप्टेंबर आनी 2 अॉक्टोबराक 12.30 वरांचेर सुट्टली. तेच दिसा दनपारां 2.30 वरांचेर सावंतवाडीक पावतली. जाल्यार क्र. 01172 ही रेल्वे 13 सप्टेंबर आनी 2 अॉक्टोबराक सावंतवाडीच्यान 3.10 वरांचेर सुट्टली आनी दुसरे दिसा 4.35 वरांचेर मुंबय पावतली.
क्रमांक 01153 ही रेल्वे 13 सप्टेंबर अानी 2 ऑक्टोबराक दिवा जंक्शना वयल्यान 7.10 वरांचेर सुट्टली. तेच दिसा दनपारां 2.55 वरांचेर रत्नागिरी पावतली. जाल्यार क्र. 01154 ही रेल्वे 13 सप्टेंबर आनी 2 अॉक्टोबराक रत्नागिरी स्टेशना वयल्यान 3.40 वरांचेर सुट्टली अानी तेच दिसा रातीं 10 वरांचेर दिवा जंक्शनाचेर पावतली.
क्र. 01167 ही रेल्वे लोकमान्य टिळक टर्मिनसा वयल्यान 13, 14, 19, 20, 21, 24, 25, 26, 27, 28 सप्टेंबर तशेंच 1, 2 ऑक्टोबर दिसा 10.15 वरांचेर सुट्टली अानी दुसरे दिसा सकाळीं 9.30 वरांचेर कुडाळ पावतली. क्र. 01168 रेल्वे कुडाळ स्टेशना वयल्यान 14,15, 20, 21, 22, 25, 26, 27, 28, 29 सप्टेंबर आनी 2, 3 ऑक्टोबर हे दिसा सकाळीं 10.20 वरांचेर सुट्टली आनी तेच दिसा रातीं 9.55 वरांचेर लोकमान्य टिळक टर्मिनसाचेर पावतली. ही रेल्वे ठाणे, पनवेल, रोहा, माणगांव, खेड, चिपळूण, सांवर्डे, संगमेश्वर, रत्नागिरी, आडवली, राजापूर, वैभववाडी, कणकवली, सिंधुदुर्ग ह्या स्थानकांचेर थांबतली.
क्र. 01169 ही रेल्वे पुणेंच्यान 15, 22, 29 सप्टेंबर दिसा 6.45 वरांचेर सुट्टली आनी तेच दिसा 10 वरांचेर करमळी पावतली. हे रेल्वेक सावंतवाडी, थिवी थांबे आसतले. जाल्यार क्र. 01170 ही रेल्वे 17, 24 सप्टेंबर आनी 1 ऑक्टोबर दिसा कुडाळच्यान दनपारां 4.05 वरांचेर सुट्टली आनी दुसरे दिसा 5.50 वरांचेर पुण्यां पावतली. ही रेल्वे लोणावळा, पनवेल, रोहा, माणगांव, खेड, चिपळूण, सांवर्डे, संगमेश्वर, रत्नागिरी, आडवली, विलवडे, राजापूर, वैभववाडी, नांदगाव, कणकवली, सिंधुदुर्ग ह्या स्टेशनाचेर थांबतली.
क्र. 01161 रेल्वे 13 सप्टेंबर आनी 2 ऑक्टोबराक मुंबय सीएसटी वयल्यान 11.50 वरांचेर सुट्टली आनी दुसरे दिसा 2.10 वरांचेर मडगांवां पावतली. क्र. 01152 रेल्वे 14 सप्टेंबर आनी 3 ऑक्टोबर दिसा मडगांवच्यान 3.15 वरांचेर सुट्टली आनी 5.05 वरांचेर मुंबय सीएसटी स्टेशनार पावतली. ही रेल्वे दादर, ठाणे, पनवेल, रोहा, माणगांव, खेड, चिपळूण, सांवर्डे, संगमेश्वर, रत्नागिरी, आडवली, विलवडे, राजापूर, वैभववाडी, नांदगाव, कणकवली, सिंधुदुर्ग, कुडाळ, थिवी आनी करमळी ह्या स्थानकांचेर थांबतली.
रेल्वेच्या अारक्षणा खातीर रेल्वेच्या वेबसाटयीचेर वेळापत्रकाची खात्री करची वा रेल्वेच्या अॅपाचेर पळोवचे, अशें आवाहन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
